Սույն տարվա մարտի 21-ին Պայքար էլեկտրոնային թերթը պատիվ ունի Գալուստ Սահակյանին շնորհելու Նաֆթալին ԳալՍտրուկ Քիսաչի մականունը: Սույն տիտղոսը, ընդունված կարգի համաձայն, պատվոգրի տեսքով կուղարկվի հասցեատիրոջը:
Արձագանքելով վերոհիշյալի վերջերս հայտնած այն հիասթափությանը, թե մինչ օրս իրեն պատիվ չի վիճակվել ձեռք բերել մականուն, Պայքարը, առանց ավելորդ ձգձգումների, մարտի 11-ին նախաձեռնեց մականվան առաջարկների հավաքագրում: Հիացմունք ապրեցինք, տեսնելով ընթերցողների պատրաստակամության և հնարամտության աստիճանը. առաջադրվեց միանգամայն խոսուն և դիպուկ 100-ից ավել անուն: Օգտվելով առիթից, մեր և քննարկման առարկայի անունից հայտնում ենք մեր խորին երախտագիտությունը բոլոր մասնակիցներին:
Պայքարը, այս աննախադեպ ակտիվության արդյունքում, ընդամենը երեք օր անց՝ մարտի 14-ին ստիպված էր դադարեցնել այդ հոսքն ու անմիջապես կազմակերպել քվեարկություն լավագույն երեք մականուններն ի հայտ բերելու համար՝ նախապես կատարելով դժվարին ընտրություն առավել հաջողված 10 անուններն առանձնացնելու հարցում: Այսպիսով, ընտրվեց հետևյալ տաս մականունը՝ Գազել Գալուստ, Շակալ, Նաֆթալին, Գազել Էֆենդի, Բրեժնև ձաձա, Մոլլա Գալուստ, ԳալՍտրուկ (Ստահակյան), Քյալամ Գալուստ, Քիսաչի և Անհամ: Այդ ընտրության դժվարությունը պատկերացնելու համար, ներկայացնենք մի քանի տարբերակ, որ նույնիսկ այս տասնյակում չընդգրկվեց. Բաղդադի Գալուստ, Անպոչ Գդալ, Խուրդա Գալուստ…
Ընդամենը մեկ շաբաթ անց՝ այսօր, արդեն հայտնի են լավագույն երեք անունները՝ Նաֆթալին, ԳալՍտրուկ և Քիսաչի: Ընտրությանը մասնակցել է 550 մարդ՝ տալով 904 քվե (յուրաքանչյուր ոք իրավունք ուներ քվեարկելու առավելագույնը երեք տարբերակի օգտին): Ի դեպ, այս ընտրությունը վերջին 11 տարիների ընթացքում Հայաստանում կատարված միակ արդար ընտրությունն էր՝ միանգամայն լեգիտիմ: Ցավով պետք է նշենք, որ, խախտման փորձեր արվեցին, սակայն Պայքարը անմիջապես հայտնաբերեց խախտումները, պատժեց մեղսագործներին, արձ անագրեց խախտման մանրամասները և ամենայն թափանցիկությամբ կատարեց վերահաշվարկ:
Պատվոգիրը (իրական չափ)
Քվեարկության արդյունքները
ՄԱԿԱՆՈՒՆ ԳԱԼՈՒՍՏ ՍԱՀԱԿՅԱՆԻ ՀԱՄԱՐ
* Նաֆթալին (29.0%, 162 քվե)
* ԳալՍտրուկ (Ստահակյան) (27.0%, 146 քվե)
* Քիսաչի (24.0%, 131 քվե)
* Գազել Գալուստ (17.0%, 93 քվե)
* Շակալ (16.0%, 90 քվե)
* Մոլլա Գալուստ (13.0%, 74 քվե)
* Գազել Էֆենդի (13.0%, 70 քվե)
* Քյալամ Գալուստ (10.0%, 57 քվե)
* Անհամ (8.0%, 44 քվե)
* Բրեժնև ձաձա (7.0%, 37 քվե)
Քվեների ընդհանուր քանակը - 904
Մասնակցել է 550 մարդ:
Վերջին Կարծիքները